اطلق مراتي ولا اختي

اطلق مراتي ولا اطلق اختي
وقبل مانبدا حكايتنا اعرفكم على بطل قصتنا اسمة أسامة عنده سبعة و تلاتين سنة بيشتغل في شركة مقاولات
وفي يوم امه قالت له
انت هتعمل ايه يا اسامة يابني في موضوع الجواز والسفر
أسامة
هتجوز الأول وبعدين اخد مراتي ونسافر بره مصر ياماما عشان مش هعرف اعيش لوحدي هناك
الام
والله عين العقل يابني واهو تبقا انت ومراتك مع بعض هناك في بلاد برة منها تشتغل ومنها يبقا معاك ونيس
أسامة 
المشكله اني خاېف لحسن اهل رحاب يرفضو انها تسافر معايا وانا بصراحة مش هعرف اسافر من غيرها
الام 
خلاص اتكلم مع حماك وعرفة الأول وبعدين اكتب الكتاب وسافروا

اسامة 
اكيد ده اللي هيحصل فعلا يا أمي وان شاء الله احاول اقنع حمايا وحماتي بموضوع السفر ده
وتاني يوم في الشغل احمد صاحب اسامة قال له
ايه الاخبار يا اسو قررت تسافر ولا ايه المدير مستني منك رد عشان عايز يحجز التذاكر لان السفر هيكون خلال شهر من دلوقتي
أسامة
انا هتجوز الأول وبعدين هاخد مراتي واسافر انا المدير قال لي انهم حاجزين لي شقه ليا انا ومراتي هناك انا مبسوط جدا يا احمد اني هسافر بره واشوف الدنيا
احمد
ربنا يوفقك ياصاحبي انت ابن حلال وتستاهل كل خير يا اسامة
وبعدها راح أسامة لأهل رحاب خطيبتة وقال لهم
انا خلاص لازم اسافر خلال شهر عشان كده لازم نكتب الكتاب ونسافر انا ورحاب.
الام
بس يابني انا مش عايزة بنتي تبعد عني يا اسامة انت هتاخد وتسافر برة مصر وهي هتكون لوحدها عايشه هناك طيب افرض تعبت ولا حصل حاجة لا قدر الله هتعمل ايه
أسامة
ما نا هاكون معاها ياطنط متقلقيش عليها دي رحاب دي في عنيا والله وبعدين انا عمري مااقدر ازعلها او اخليها تبقى حزينة اطمني عليها
رحاب
طيب وشقتي اللي فرشتها مش هنلحق نقعد فيها بقا ولا ايه
أسامة 
لا طبعا ياحبيبتي هنقعد فيها اسبوعين قبل مانسافر وبعد كده ناخد بعضنا ونطلع على المطار اعتبري ان احنا رايحين شهر عسل
الام 
بس شهر العسل هيطول يا اسامة يابني وهيبقا اكتر من شهر عسل
أسامة 
معلش ياحماتي لازم كلنا نستحمل ونقدر لان ده مستقبلي وحضرتك عارفه ان المستقبل كله في السفر ده
الاب 
بص يابني انا عارف انك عايش على أمل انك يبقا ليك مستقبل في السفر ده وصدقني احنا كلنا بنتمنالك كل الخير بس رحاب بنتنا أمانة في رقبتك لازم تخلي بالك منها ومن نفسك كمان
أسامة 
ان شاء الله ياعمي طبعا دي رحاب في عنيا الاتنين هو انا ليا بركة الا هي انا كده هتفق مع الماذون عشان نيجي نكتب الكتاب ونعمل الفرح انا اتفقت مع القاعه خلاص
الاب 
خلاص يا اسامة يا ابني يبقا على بركة الله وربنا يبارك لكم في حياتكم اللي جايه
ورجع أسامة البيت ولاقي اخته أميرة وقالت له 
بقا كده يا اسامة تحدد ميعاد الفرح وتتفق على كل حاجة وتحجز القاعه من غير متاح اختك حبيبتك معاك لا وكمان ما ماخدتش ماما صح
أسامة 
والله يا أميرة كل حاجة جات بسرعه وكان لازم اخلص عشان كمان موضوع السفر اللي ورايا ده
أميرة 
ناس ليها حظ تسافر برة وناس تفضل قاعده هنا علطول
أسامة 
تقصدي ايه يا أميرة بكلامك ده
أميرة 
انا اقصد ان رحاب دي امها داعيه لها الجامد بنت المحظوظة اللي هتتجوز جوازه زي دي وعريس زيك زي القمر ياخويا وشقة تجنن وكمان هتسافر برة مصر يعني هيبقا جواز وفسحة وهيصة مش بقول لك امها داعيه لها
الام 
الله انتي جايه تحسدي اخوكي يا أميرة ولا ايه يابت ده المفروض نقول ربنا معاه ياحبيبي وهيسافر