اطلق مراتي ولا اختي
هيبقا في غربة بعيد عننا
أسامة
ياماما ده هى المده بتاعت الشغل كلها تلات سنين ولو جددو لنا العقد طبعا هنفضل مسافرين بس هنيجي اجازه ونرجع تاني
الام
ربنا معاك يا اسامة ويجعل لك في خطوة سلامة يابني يارب
أميرة
ياماما انتي بتدعي له من دلوقتي ده لسه بدري شويه على السفر ده خليها قبل السفر بيومين ادعي له
ههههه انتي كمان مستخسرة فيا الدعوة اللي بتدعيها لي ياشيخة بقا ايه ياماما بنتك دي
الام
ولا يهمك يا حبيبي سيبك منها البت دي يلا ادخل غير هدومك وانا هدخل احضر الغدا لينا عشان نتغدا كلنا سوا
أسامة
انا بقول كده برضو قبل ماتشل وانا واقف هنا
وفي مكان تاني في بيت رحاب مامتها كانت
بټعيط ورحاب قالت لها
الام
يعني هتسبيني تسافري يا رحاب وجايه تقولي لي انتي بټعيطي ليه بعيط عشان عماله افتكر البيت من غيرك هيبقا عامل ازاي يا رحاب مش مصدقه انك هتبعدي عني
رحاب
يووه ياماما انتي بټعيطي من دلوقتي ياحبيبتي ده لسه شهر بحالة انا بقول توفري دموعك دي للايام اللي جايه احسن
انتي بتتريقي عليا يارحاب ااه يابنتي ماهو حقك طبعا بتتريقي الله يسامحك يارحاب
رحاب
ياماما ياحبيبتي انا بهزر معاكي اولا وثانيا بقا انا هكلمك كل يوم عبر الإنترنت ومواقع التواصل الاجتماعي حضرتك يعني هبقا معاكي ليل نهار
الام
هو برضو الاتصال صوت وصوره هو ده اللي هيخليني اشبع منك اللي هيشبني منك حضك ياحبيبتي
وانا كمان ياماما قلبي هيوجعني عن بعادي عنك وانا مش متصورة كمان اني هقدر اروح بيت جوزي وابعد عنك
الام
طيب ما تخلي أسامة يسافر لوحده وانتي تخليكي معانا هنا في مصر وهو يبقا ينزل لك اجازة كل سنة ولا سنتين
رحاب
يعني يرضيكي بنت تبقا متجوزة ومش متجوزة برضو يعني ايه جواز مع إيقاف التنفيذ مش هينفع انا ابقا هنا وجوزي بره بعيد عني
خلاص يابنتي ربنا يوفقكم ويصلح حالكم يارب المهم دلوقتي انتي خلصتي كل حاجة في شقتك
رحاب
ايوه ياماما خلصت كل حاجة ده انا حتى مش عايز اسيبك مفتاح شقتي مع حد عشان لما اسافر تبقا الشقه زي ماسبتها ارجع الاقيها ولا ايه
الام
لا طبعا ياحبيبتي مش هينفع تقولي لأسامة ياخد المفتاح من مامته لازم حماتك يبقا معاها نسخة
الام
لا يا رحاب مش هينفع وعلى العموم انا جهزت لك كل حاجة في الشقه ن الإبرة للصاروخ
أميرة
ربنا يخليكم ليا انتي وبابا ياماما ولا يحرمني منكم ابدا اهو انا بقول لك اني لازم اقفل شقتي عشان بابا صارف كتير وجايب ليا حاجات كتير وخاېفه اروح انا وتتبهدل
الام.
اكيد أسامة هيوصي امة انها تاخد بالها من الشقه ماهو مش معقوله يعني هيضيع شقا باباكي كده في الأرض
رحاب
صح يا ماما على رايك هو بقا أسامة يبقا بوصيهم على شقتنا وحاجاتنا
وبعدها أسامة اتجوز رحاب وراحو بيتهم ولما دخلو شقتهم رحاب قالت له
والله ياحبيبي انا صعبان عليا اسيب شقتي دي اوي وامشي
أسامة
وبعدين معاكي ياحبيبتي احنا هنرجع نتكلم في الموضوع ده تاني ولا ايه
رحاب
خلاص يا حبيبي المهم السفر يوم ايه يالظبط عشان اعرف ماما لأنها كل يوم تتصل بيا وتسألني
أسامة
قولي لها خلاص السفر هيبقا على يوم الخميس الجاي ان شاء الله ياحبيبتي
ونزل أسامة وقابل صاحبه احمد علي الكافيه وقاله
والله هتوحشنا ياصاحبي جدا انت متعرفش انت بعدك ده هتعمل فيا ايه انا حقيقي هفتقدك يامعلم
أسامة
طيب ماتيجي انت كمان يا احمد علي هناك
