اطلق مراتي ولا اختي
الشقه بالقانون
أميرة
يادي المصېبة يامراد طيب والعمل ايه ياحبيبي هنروح فين احنا والعيال بس ده احنا حتى مش هنلحق نشوف إيجار ده لو لقينا وبعدين ننقل العفش
مراد
مش عارف بقا اتكلمي انتي مع امك وشوفيها يمكن يكون عندها حل وتقدر تقف جنبنا
أميرة
ماما ااه طيب صحيح يا مراد ماهي شقة اخويا موجوده وهو مسافر ومش هيرجع دلوقتي ايه رايك لو نروح نعيش فيها انا وانت والولاد لحد لما اخويا يفكر يرجع نبقا نسيبها ونشوف إيجار
فكرة هايلة يا أميرة بس في مشكله ياحلوه هي مامتك هتوافق تخليكي تقعدي في الشقه افرضي امك وافقت اخوكي هيوافق على كده
أميرة
وهي ماما مش هاتوافق ليه ماهو اخويا وبقاله كام شهر مسافر ولسه قدامة سنتين وشوية على مايرجع والشقه مقفوله واحنا هنروح نقعد فيها بدل ماتسكنها العفاريت
مراد
طيب واخوكي هتعملي معاه ايه بقا
ده بقا بلاش يعرف اهو بعيد ومش لازم يعرف هو لما يرجع يبقا يحلها الف حلال يلا بس بينا على ماما نتكلم معاها
ونزلت أميرة وجوزها وراحت لامها وقالت لها
ايه الكلام اللي انتي بتقوليه ده يا أميرة ازاى اخليكي تيجي تعيشي في شقة اخوكي وهو مسافر طيب افرضي حصلت ظروف ورجع لاي سبب هنعمل ايه ساعتها
أميرة
الام
لا لا الفكرة دي مش حلوه شيليها من دماغك انتو تشوفو شقه إيجار احسن
مراد
ماهو ياريت الاقي ياحماتي في الفترة اللي الراجل مدينا فيها المهلة اللي هنفضي له فيها الشقه ده الموضوع ده هياخد وقت والراجل مش صابر
مش مشكلتنا ياسي مراد وحد كان قال لك تضحك عليا وتفهمني ان الشقه دي شقتك لحد لما تتجوز البت بنتي وتخلف منها والآخر اكتشف انها إيجار لا وكمان جاي لي دلوقتي عايزني اشوف لك حل
أميرة
وفيها ايه يعني ياماما لما تقفي جنبنا انا وجوزي وبعدين انا اللي قولت له يفهمك ان الشقه شقته عشان توافقي على الجوازة عشان انتي عارفه اني وانا ومراد كنا بنحب بعض ازاى
قطع الحب وسنينة ياختي
أميرة
خلاص بقا
ياماما مش وقته كلامك ده المهم دلوقتي هنعمل زي ماقولت لك كده انا هطلع اقعد في شقة اخويا وعلى عفشة لحد لما نشوف هنعمل ايه
الام
خلاص يبقا انا اخد العفش بتاعك مقابل انك تقعدي في شقة اخوكي على العفش بتاعه اظن كده كتر خيري اوي ولا ايه
مراد
يعني ياحماتي عايزة تاخدي العفش بتاعتنا ليكي انتي وانا معنديش مانع ابدا
بس ازاى بس ده العفش بتاعنا غالي اوي وحاجات كلها فخمة
الام
يعني انتي مش موافقه خلاص وانا كمان مش موافقه انكم تيجو تعيشو هنا في البيت
مراد
لا ياحماتي خلاص خودي العفش بتاعنا ليكي انتي حره فيه
وفعلا جات أميرة ومراد جوزها في الشقه بتاعت اخوها أسامة وعلى عفشه الجديد وغيرت كالون الشقه وقالت أميرة
والله الشقة حلو اوي انت عارف ياحبيبي انا مش خارجة من هنا ابدا عشان انا خلاص حبيتها واخدت على المكان خلاص
مراد
نخرج من هنا مين يا ميرو انتي عايزانا نسيب الجمال ده كله ونروح فين بس لا طبعا مفيش خروج من الشقه دي
أميرة
انت ياحبيبي اعمل اللي انت عايزة وبعدين ماما واخدت العفش بتاعنا يعني هي شريكة معانا في كل حاجة وتبقا تيجي تقول انها معملتش حاجه ههههه
وعند أسامة رحاب حامل في أول شهور الحمل وقالت له
هو انا يا اسامة هولد هنا برضو في الغربة انا عايزة ساعت الولادة انزل اولد في مصر
أسامة
وليه بس يا رحاب
