اطلق مراتي ولا اختي
اقفلي دلوقتي عشان عندي شغل يلا سلام
ورجع أسامة البيت عند رحاب وقالت له
حجزت لي يا اسامة عشان اسافر مصر ولا لسه عشان الحق انزل قبل الولاده
أسامة
حاضر يا رحاب انا هجز ان شاء الله قريب بس ااا كنت عايزك لما تنزلي مصر تروحي عند مامتك ماتروحيش البيت عندنا
رحاب باستغراب
طيب وليه بقا يا اسامة انا عايزة انزل على اروح شقتي عشان اشوفها لو عايزه تتنضف ولا حاجة لان اكيد هتبقا مليانة تراب وكده
لا لا ماتروحيش تعملي فيها حاجة وبعدين هو انت هتقدرى تنضفي وتروقي وانتي كده بلاش يارحاب عشان ماتتعبيش انتي روحي عند مامتك وارتاحي عندها ماشي اوعي تروحي الشقه
رحاب طبعا شكت في كلامه بس عدتها لحد لما تنزل مصر واتصلت بمامتها وقالت لها
انا عامله لك حتة مفاجأة ياماما هتعجبك اوي اوي يعني
الام
بجد يارحاب طيب مفاجأة ايه دي فرحيني يا حبيبتي بس طمنيني الأول الحمل عامل معاكي ايه
الحمد لله يا ماما بخير والمفاجاه بعدين تعرفيها يلا باي دلوقتي
وبعدها بكام يوم سافرت رحاب ونزلت مصر وراحت علي شقتها وجات تفتح بالمفتاح بتاعها الباب مش عايز يتفح سمعة اصوات جوه خبطت فتحت لها أميرة وقالت لها
مين رحاب انتي ايه اللي جابك هنا
رحاب
ايه اللي جابني يعني ايه انا جايه بيتي يا أميرة ولا انتي مش واخده بالك ان دي شقتي
لا مش شقتك ويلا بقا امشي من هنا
رحاب
امشي ازاى بقولك دي شقتي انا ووسعي كده عدينا خليني ادخل بقا يا أميرة انا راجعة تعبانة من السفر ومش فايقه لهزارك ده
أميرة
انامش بهزر يا رحاب ويلا غوري من هنا ملكيش حاجة هنا
رحاب
مليش حاجة ازاى ده عفشي وحاجاتي اللي ملحقتش اتهني بيها هنا دخليني بقا ودخلت رحاب بالعافيه شافت العفش كله مبهدل والشقه بقت مبهدلة
ينهار اسود ايه اللي حصل لحاجتي العفش اللي بابا تعب وشقي لحد ماجابه وملحقتش اتهني بيه
أميرة
ماقولت لك مابقتش شقتك خلاص انتي ايه مش بتفهمي
وراحت رامية رحاب بره الشقة وقفلت الباب في وشها ونزلت لحماتها عشان تعرف في ايه حماتها قالت لها
رحاب انتي ايه اللي جابك هنا مروحتيش عند امك ليه
رحاب
هو انا كل واحدة تشوفني تقولي ايه اللي جابك هو انا مش المفروض اجي على شقتي ولا ايه وبعدين أميرة بتعمل ايه في شقتي
أميرة قعدت في شقتك ياحبيبتي واذا عجبك بقا
رحاب
اقعدت في شقتي يعني وعفشي وحاجتي وكل اللي جبتة راح فين
ونزلت أميرة وقالت لها
هو مش قولت لك انك ملكيش حاجة عندنا ياحبيبتي ويلا من هنا بقا
رحاب
انا مش همشي من بيتي انا هتصل بجوزي يشوف لي حل في الموضوع ده
أميرة
اتصلي بالعفريت الأزرق ياختي وانتي هتمشي ولا اعمل منك كفتة يلا ورقتها جامد وقعتها
رحاااب في ايه يابنتي ايه اللي عمل فيكي كده ومبهدلك بالمنظر ده
رحاب
الحقني يابابا رجعت البيت لقيت اخته اخدت الشقة وغيرت الكالون وطردتني هي وحماتي برة البيت
الاب
انتي بتقولي ايه الكلام الغريب ده هما بيستهبلو ولا ايه دي شقتك انتي وعفشك وحاجاتك اللي ملحقتيش تتهني بيها
رحاب
قالو لي ملكيش حاجة هنا وطردوني بره البيت انا عايزة اتصل بيه اتصلي بيه دلوقتي
الام
انت لازم تشوف لك حل ياحاج ايه قلة الأدب دي
واتصل ابو رحاب با أسامة وقالو
انت عجبك اللي حصل ده يا اسامة مراتك تروح البيت في شقتها تلاقي اختك غيرت الكالون وتضربها وتطردها
أسامة
معقوله اللي حصل ده ياعمي وهي هتعمل كده ليه بس ياعمي
اديني رحاب
