يسكن معها جمال الحفني

وبمجرد ما قرب مني وقبل ما يوصل عندي بص على الباب واختفى بعد ما اختفى بثانية الباب اتفتح وجوزي دخل لقاني مرميه على الأرض اتخض من المنظر وحاول يفوقني ويكلمني أنا كنت فايقه ومفتحه عيني بس الموقف ربط لساني وخلاني معرفتش أتكلم ولا أقول حاجه.
بعدها الأحلام بتاعتي بدأت تاخد منحنى تاني مينفعش أقوله خصوصا مع الشاب اللي ظهرلي ا مكانش ينفع أحكيها حتى لجوزي لكن المرعب هي الأيام اللي عشتها بعدين واللي خلت جوزي يشك فيا تخيلوا بسبب الأحلام دي بطني اتنفخت بالتدريج كإني حامل كنت بحس إن فيه حاجه بتتحرك في بطني وبطني كبرت كإني في السادس أو السابع وجوزي مش لاقي تفسير لكل دا خدني ورحنا للدكتورة يشوف دا حمل ولا إيه لكن كان مجرد انتفاخ مع إن كل أعراض الحمل اللي كنت بسمع عنها كنت بحس بيها وبدأت أشوف في أحلامي إني أم لطفلين وماشية بيهم طفل ماشي جمبي وماسكاه من إيده وطفل شايلاه على دراعي..
الجزء الخامس قصة حقيقية
يسكن_معها
يتبع ..
جمال الحفنى
قررت أحكي لجوزي اللي بيحصل معايا في الأحلام لإني كنت حاسه إني بخونه قررت أقوله أخيرا بعد نوعية حلم معينة اتكررت معايا كتير كنت في البداية بشوف إن الشقة بتاعتي كلها ضباب كدا وفيه ناس بتمشي وتروح وتييجي فيها ومحدش شايفني زي ما تكون شقتهم وأنا اللي غريبة فيها وفجأة ألاقي نفسي نزلت تحت الأرض بسرعة جدا وبقيت في مكان غريب أرضه كلها طوب أسود والناس بتجري هنا وهناك والشرطة أو الجيش بتجري وراهم وتقتل فيهم وفي وسط المشهد دا شوفت واحدة جميلة جدا جدا زي أفلام الكرتون كدا شعر أصفر طويل وعيون زرقة شبه الأميرات كدا كانت بتبصلي پحقد وغل وبتبتسم بطرف شفايفها وهي فرحانة باللي بيحصل وكل الأبواب كانت بتتقفل في وشي لحد ما لحقت باب بيت كان مفتوح جريت عليه وهو بيتقفل واحدة واحدة وفجأة سمعت صوت حد من الجنود بيناديني وماسك سلاح في إيده وقرب مني والباب كان اتقفل أنا استسلمت للمۏت وقلت خلاص دي لحظاتي الأخيرة وبسرعة الباب اتفتح وإيد اتمدتلي شدتني وقفلت الباب بسرعة.
كان الشاب إياه اللي بينقذني في كل مرة وكنت مستسلمة لفكرة إنه جوزي في الحلم اتعلقت فيه وحضنته وأنا مخضوضه وراح يهديني ويطمني وخدني من إيدي وفضلنا نمشي في سراديب داخل البيت وننزل سلالم لتحت الأرض لحد ما وصلنا للشقة اللي أنا عايشة فيها دلوقتي ودا اللي أقنعني أكتر إنه جوزي وحصل تواصل كتير ما بينا في أحلام مختلفة.
لما حكيت لجوزي اتهمني بإني أنا اللي وصلت نفسي للمرحلة دي مع إني مش عارفة أنا عملت إيه أنا وافقت على كل حاجه اقترحها طول تلات سنين ونص بدون خلفه روحنا لدكاترة وكلهم قالوا مفيش حد فينا فيه عيب يمنعه من الخلفه لكن حتى جوزي اللي حكيتله اكتشفت إنه مش مؤمن بالعالم دا أصلا لا جن ولا عفاريت ولا شيوخ.
كان نفسي يصدقني ونلاقي حل مع اللي بيحصلي أنا عاوزه أعيش حياة حقيقية مع شخص حقيقي مش عايزه أعيش في الأحلام والخيالات مع إن من جوايا كنت حابه كدا كان في الحلم بيفهمني أكتر من جوزي اللي طول الوقت مهمل من ناحيتي وغايب عني.
الخلاف بدأ يزيد بيني وبين جوزي الأول كان يشوفني قايمه من النوم مڤزوعة ودلوقتي بيسمعني وهو جمبي وأنا بتواصل مع الشاب دا في الحلم وكان بيقولي نامي مستورة وغطي جسمك كله وكنت بعمل كدا في عز الحر لكن من غير فايدة لحد ما في يوم صحاني الصبح وهو بيزعق فيا ويقول خلاص هجيبلك شيخ دي مبقتش عيشه وقام دخل الحمام وهو بيسب ويلعن الجن وبيقول أنا كان مالي أتجوز واحده ملبوسة فجأة سمعت صوت خبط جامد في الحمام وقومت مڤزوعة أطمن عليه وحاولت أفتح الباب اللي رفض يتفتح في إيدي بعدين سمعت صراخه زاد واتهبد على الأرض والصوت سكت والباب اتفتح لوحده بسهولة.
دخلت لقيته واقع على الأرض مغمى عليه كلمت اخواته وجابوا دكاتره من غير فايده أربع أيام كنت بشوف جوزي بيضيع مني واحدة واحدة نمت ليلتها وأنا مخڼوقة ومعيطة وهموم الدنيا كلها على كتافي والصبح صحيت على صوت جوزي فايق وبيتكلم عادي قومت من الفرحة عشان أتأكد إني مش في حلم وفعلا كان صاحي وكويس كإن محصلتلوش حاجه سألته أنت كويس السخونيه راحت
قالي راحت امبارح بعد ما سهرتي جمبي تعمليلي كمادات وانتي بتشتميني وبعدين روحتي المطبخ عملتيلي كوبايه حاجه دافيه معرفش إيه هي وشربتها ونمت وصحيت كويس أنا عيني اتفتحت واټصدمت من اللي بيقوله لإني معملتش ولا حاجه من دول إمبارح ولما شافني كدا وطى صوته وقالي أنا عارف إنه مكانتش انتي.. وسكت.
تاني يوم جوزي لقيته داخل عليا ومعاه شيخ وقالي البسي عبايه وبطلون تحتها تحسبا لأي تشنجات ممكن تجيلك قولتله تشنجات إيه أنا عمري ما حصلتلي تشنجات وأنا صحيا كويسة وصوتنا بدأ يعلى لحد ما زعقت فيه لأول مره معرفش عملت كدا إزاي وفجأة اللمبة بتاعة اوضة النوم فرقعت جوزي بمجرد ما فرقعت خرج يجري بره الأوضه بعد ثواني ندمت وقررت إني لازم أسمع كلامه عشان نشوف حل للي بيحصل دا وأرتاح وفعلا لبست وخرجت من الأوضة للطرقة اللي بتودي للصالة.
الشيخ وجوزي كانوا قاعدين في مكان يخليهم يشوفوا اللي خارج من أوضة النوم وبمجرد ما خرجت لقيت الاتنين عنيهم اتفتحت وخافوا جدا وهما باصين عليا بس مش عليا قوي كإنهم باصين على حاجه ماشيه جمبي فجأة الشيخ قام مڤزوع ومد إيده وهو بيشاور عليا وقالي خليكي مكانك وحرك صباعه ناحية اللي جمبي وقعد يقول حد الله بيني وبينك حد الله بيني وبينك وخرج مڤزوع من الشقة..
الجزء السادس قصة حقيقة
يتبع
يسكن_معها
وياريت تدخل تتابعني عشان يوصلك كل جديد.
الشيخ هرب من الشقة وهو بيشاورلي بصباعة وبيقول حد الله بيني وبينك كررها كتير لحد ما خرج وقفت أنا وجوزي باصين لبعض مش فاهمين حاجه نظرات جوزي كمان كانت خاېفه وجري بره بسرعة وهو بيقول هشوف شيخ تاني ومجاش البيت غير بعدها بتلات أيام.
خلال التلات أيام دول حصل معايا موقف مرعب لا يمكن أنساه لأول مرة كنت ھموت من الخۏف في الحقيقة مش في الكوابيس زي ما كان بيحصل معايا.
خالتي جات زارتني استقبلتها وقعدنا وحكينا وهزرنا كالعادة ورحت المطبخ عشان أعملها عصير وخلال التحضير سمعت صوت حاجه اتهبدت في الصالة زي صوت باب أو دولاب وقع على الأرض سبت اللي ف إيدي وخرجت أشوف فيه إيه لقيت خالتي واقعة على الأرض في مدخل الحمام نصها اللي من تحت جوه الحمام والنص التاني في الصالة بره حجمها اتغير خالتي من النوع السمين شويه لكن وهي واقعة قدامي دلوقتي كانت أرفع بكتير بس مركزتش وافتكرتها غيبوبة سكر لإن خالتي عندها السكر بس محصلهاش كدا قبل كدا قربت منها بهدوء وحسيت بالخۏف مش عارفه ليه