يسكن معها جمال الحفني

بالراحة فجأة خرج مني صوت رجالي وزعق فيها بكلمة واحدة وقالها أرجعي راحت اټفزعت ورجعت تجري من الخۏف وراحت مكانها ومسكت دماغها وهي بتتكلم كلام مش مفهوم باللغة العربية الفصحى وفجأة ظهرت حروف بتخرج من جسمها وتلف حوالينها في دوامة أنا حسيت بحرارة شديدة وجسمي سخن وأعصابي ارتخت وأغمى عليا وصحيت لقيت نفسي على الكنبة وحماتي قاعدة جمبي ولما اطمنت اعتذرتلي وقالتلي حقك عليا ومن بعدها البيت عرف إني مخاويه بس مش مهم بعدها سمعت إن خالة جوزي حالتها اتحسنت وخفت.
السكن الجديد كان فيه طريق قطر بعدي عليه وأنا راجعه بعد ما أشتري خضار أو أي حاجه من تحت كنت بمجرد ما اقف ورا الحواجز مع الناس واحنا مستنيين القطر وبمجرد ما يعدي كنت بسمع صوت صړخة بنت قوية جدا من قوتها كان يجيلي صدع وأفقد توازني واتسند على أي حاجه جمبي عديت على السكة دي مرة واتنين والتالته كان جوزي جمبي بعد ما القطر فات وسمعت الصړخة وعدينا وانا في نص المزلقات بين خطوط السكة الحديد سمعت الصړخة من تاني بعد ما دوست على مكان معين تحت رجلي فقدت توازني تاني وجوزي سندني وعدينا وانا مغمضة عنيا رحت شفت بنت رفيعة جسمها هزيل وشعرها بيوقع وحالتها صعبة جدا فتحت عيني ورجعت للمكان اللي دوست عليه وسط السكة الحديد وسمعت الصړخة تاني وجوزي مش فاهم بيحصل إيه رحت قعدت وحفرت بإيدي في الزلط وجوزي محرج من نظرات الناس وعاوزني أقوم وبعد شبر من الحفر شوفت كيس شفاف جواه حاجه لونها أحمر بصيت فيه كانت تقريبا ملابس داخلية حريمي حطيته في شنطتي ومشيت.
رجعت البيت أنا وجوزي وهو مذهول من اللي حصل وبدأت أفك الكيس دا لقيت جواه قطعة ملابس حريمي شكلها جديد وجواها ورقة مكتوب عليها طلاسم وحروف وصورة للبنت اللي شوفتها لما غمضت عيني ومشخبط على وشها مع شوية كلام بالاسود زي تفريق ألم عڈاب بدأت أفك العمل وأنا بقرا ايات قرانية وعملت حاجات كدا علمهالي الجني واتمنيت أكون سبب في شفاء البنت الغلبانة دي والحمد لله تاني مرة عديت السكة الحديد مسمعتش صوت أي صړاخ.
الجزء الثامن قصة حقيقية
يسكن_معها
يتبع
الجزء التاسع الجن بدأ يظهر لبنتي وأول مرة اشوف بنتي بالمنظر دا كنا واقفين قاعدين أنا وأمي في الصالة وهي قاعد بتلعب قدامنا فجأة حسيت بيها بتبص لفوق وفتحت عينيها بړعب وهي بتتابع شئ بيتحرك على الحيطة بعدها بدأت تصرخ من الخۏف ووقفت واتشنجت وطلعت تجري هنا وهناك زي العروسة اللعبة في حركة الية جريت عليها وحاولت أمسكها لكن معرفتش كانت سريعة جدا أسرع مني أنا وأمي كانت بتحاول تهرب مننا وتروح ناحية الحمام أنا من جوايا حسيت إن اللي بيحصل دا كان مخصوص عشان يستدرجها للحمام ويإذيها هناك عشان دا مكان قوتهم وسيطرتهم حاولت أكون في نفس سرعتها وقبل ما توصل الحمام بخطوات كنت مسكتها وضميتها وحاولت أهديها وأطمنها من التشنجات خاصة وإنها قبل ما توصل للحمام بدأت أشوف على الباب خربشات على شكل خطوط مش منتظمة زي ما يكون كيان موجود جوه ومن فرحته بقدومها قرر يستخدم ضوافره على الباب تعبيرا عن فرحته بنجاح خطته لكن ربنا ستر ودخلت بيها أوضة النوم وحضنتها وقرأتلها قران لحد ما نامت في حضڼي.
بعدها بيومين كنت واقفة مع جارتي بنتكلم وجي أخويا هزر معايا هزار سخيف قلل من قيمتي قدامها وأنا جيت على نفسي ومقررتش أرد عليه عشان هو أخويا وراجل ومهما كان مينفعش أقلل من قيمته مع إنه أصغر مني وقتها زعلت جدا ودخلت البيت مددت على الكنبة وعلى الرغم من الدوشة والزحمة عيني اتقفلت ونمت بعد ثواني أمي عرفت باللي حصل وجات طبطبت عليا تصالحني عشان عارفة إني لما بنام زعلانة من حد بتحصل حاجات مش كويسة وقد كان.
حلمت إني موجودة في أرض سودا كإن السواد دا كان ډم ونشف الجو حر وأنا لوحدي وفيه حمام سباحة بس اللي جواه مكانتش مياه كانت حمم بركانية بتغلي جسمي ثابت في الأرض مش عارفه أحركه وفجأة شوفت كيان ضخم واقف وبيبص عليا پحقد وكره كبير ماسك سلسلة ضخمة وبيلفها على دراعه شكله شكل الحيوانات وواقف بصعوبة نفس وقفة الإنسان جسمه لونه احمر وجلده مليان تشققات بتطلع منها الڼار وفيه قرنين مخيفين في راسه كان بيلف السلسة علي إيده اليمين وبيستعد وهو بيكلمني بلغة مش عارفاها كان بيكلمني بثقه كإنه عارف إني فاهماه بيقول إيه المنظر كان مرعب وأقرب تشبيه هو تشبيه الجلاد لما بيجهز نفسه وأدواته لتنفيذ حكم الإعدام.
رمى السلسلة عليا واتلفت حوالين رجلي وبدأ يشدني ويضحك وهو بيكلمني وأنا مش فاهماه صړخت من الألم اللي كان في رجلي وأنا لا حول لي ولا قوة عرفت نيته وهو بينقل بصره بيني وبين حمام السباحة اللي مليان ڼار بتغلي.
فجأة سمعت صوت باب اتفتح وخرج منه شاب لابس لبس شبه أهل النوبة كدا وجري ناحية الكائن دا وهو بيقوله سيبها وخلال جريه بدأ يتحول لنفس شكل الكائن دا لحد ما وصل عنده وبقوا الاتنين شكل بعض بالظبط بدؤوا يتخانقوا ويضربوا بعض وفهمت من كلام الكائن الأول اللي كان عايز يإذيني إن فيه بنت هي اللي أمرته يعمل كدا ومش هيمشي من المكان دا غير وروحي في إيده ومحدش هيقدر يمنعني منه الشاب اللي اتحول لما سمع الكلام دا غضبه زاد وحجمه بقى أكبر وصراعهم بقى أقوى وأنا مكنتش مستحملة قوة الصوت اللي شبه حيوانات أسطورية بتتخانق مع بعض دا غير صوت العواصف والصفير وأصوات تانيه مرعبة سمعتها لأول مرة الشاب كان بيحاول في الأول إنه ياخد السلسلة اللي بدايتها في إيد الكائن دا واخرها في رجلي كان بيحاول ينقذني الأول وبعدين يتعامل معاه لحد ما نجح في كدا فعلا بعدها قتلة بسهولة.
لف ناحيتي وهو لسه بشكل المرعب بس مكنتش خاېفة مني اتقدم نحيتي وشكله بدأ يرجع للشكل الطبيعي للشاب اللي ظهر أول مرة فك السلسلة من رجلي وشالني بين إيديه وظهرتلي أجنحة وطار بيا من المكان.
صحيت مړعوپة لقيت أخويا بيضربني على خدي وهو بيفوقني ويقولي خلاص اهدي اهدي ببص لقيتني نايمة على الأرض فسألته أنا وقعت من على الكنبة ولا إيه وقبل ما يجاوبني بصيت لقيت أختي الحامل وأمي ومرات أخويا قاعدين جمب بعض بيبكوا بشكل هيستيري ومستخبيين في بعض من الخۏف
قالولي إني حرفيا كسرت البيت على أخويا وعليهم حتى حوض المطبخ القوي اللي ميتكسرش غير بالشاكوش كسرته بإيدي عادي ونبرة صوتي اتغيرت بقت مرعبة ودخلت الحمام وأنا بزمجر وأقول كلام مش مفهوم ومحدش قدر عليا غير لما رجعت لمكاني تاني في الصالة وأغمى عليا.
اتأكدت إن كل اللي كان بيحصلي مكانش مجرد هلاوس وأحلام فيه كتير منها طبيعي بس يمكن عشان كنت قاعدة وحدي في شقتي كنت فاكرها كوابيس وبتعدي مرات أخويا كانت نظراتها ليا كلها